कणा ……….

कणा ……….

"ओळखलत का सर मला " पावसात आला कोणी 

        कपडे होते कर्दमलेले  केसावरती पाणी 

क्षणभर बसला, नंतर हसला , बोलला वरती पाहून ;

        ' गंगामाई ' पाहुनी आली, गेली घरट्यात राहून 

माहेरवाशीण पोरीसारखी चार भिंतीत नाचली 

      मोकळ्या हाती जाईल कशी बायको मात्र वाचली 

भिंत खचली , चूल विजली , होते नव्हते नेले,

     प्रसाद म्हणून पापण्यामध्ये पाणी थोडे ठेवले 

कारभारणीला घेऊन संगे  सर, आता लढतो आहे 

     पडकी भिंत बांधतो आहे , चिखलगाळ काढतो आहे 

 खिशाकडे हात जाताच हसत हसत उठला 

   " पैसा नको सर , जर एकटेपणा  वाटला 

मोडून पडला संसार जरी मोडला नाही कणा

 पाठीवरती हात ठेऊन नुसते  लढ म्हणा …."

                                       - { कुसुमाग्रज}